ప్రతి మండలానికి నలుగురు డాక్టర్లతో ఫ్యామిలీ డాక్టర్ కాన్సెప్ట్ …… ప్రతిష్టాత్మకంగా తీసుకున్న జగన్ !
ప్రతి మండలానికి నలుగురు డాక్టర్లతో ఫ్యామిలీ డాక్టర్ కాన్సెప్ట్ …… ప్రతిష్టాత్మకంగా తీసుకున్న జగన్ !
క్యాపిటల్ వాయిస్, అమరావతి :- ముఖ్యమంత్రి వైఎస్ జగన్మోహన్ రెడ్డి రాష్ట్రంలో ఫ్యామిలీ డాక్టర్ విధానాన్ని అమలు చేయనున్నారు. ఈ విధానాన్ని ప్రతిష్టాత్మకంగా అమలు చేయబోతున్నట్లు వెల్లడించారు.రాష్ట్ర ప్రజలకు ముఖ్యమంత్రి వైఎస్ జగన్మోహన్ రెడ్డి గుడ్ న్యూస్ చెప్పారు. సీఎం జగన్మోహన్ రెడ్డి ఆదేశాల మేరకు రాష్ట్రంలో ఫ్యామిలీ డాక్టర్ విధానాన్ని ప్రతిష్టాత్మకంగా తీసుకొస్తున్నామని రాష్ట్ర వైద్య, ఆరోగ్య శాఖ ప్రిన్సిపల్‌ సెక్రటరీ కృష్ణబాబు వెల్లడించారు. ఈ మేరకు విజయవాడలో గురువారం ఆయన మీడియాతో మాట్లాడుతూ.. ఫ్యామిలీ డాక్టర్ కాన్సెప్ట్ కోసం అన్ని ఏర్పాట్లు పూర్తి చేస్తున్నామని తెలిపారు. ఫ్యామిలీ డాక్టర్ విధానం ద్వారా ప్రతి మండలానికి అందుబాటులోకి నలుగురు వైద్యులు, విలేజ్‌ క్లినిక్‌లకు భవనాలను ఏర్పాటు చేస్తున్నామని వెల్లడించారు.ఈ విధానం ద్వారా దీర్ఘకాలిక వ్యాధిగ్రస్తులకు ఇంటికే వెళ్లి వైద్య సేవలు అందిస్తామని కృష్ణబాబు చెప్పారు. ఈ విధానం ద్వారా ప్రతి మండలానికి నలుగురు డాక్టర్లు అందుబాటులోకి వస్తారని వెల్లడించారు. ఒకవేళ డాక్టర్ మారినా ఫోన్ నంబర్ మాత్రం పర్మినెంట్‌గా ఉండేలా చేస్తామని వివరించారు. దీంతో సమస్య ఏదైనా ఏ సమయంలో అయినా డాక్టర్‌కు ప్రజలు కాల్ చేసే అవకాశం కల్పిస్తామని చెప్పారు.వీరి ద్వారా ఏరియా ఆస్పత్రి డాక్టర్ సేవలు పొందేలా చర్యలు తీసుకుంటామని కృష్ణబాబు తెలిపారు. ఏ కుటుంబానికి ఆరోగ్య సమస్య వచ్చినా తమ డాక్టర్ ఉన్నారన్న నమ్మకం కల్పిస్తామని భరోసా ఇచ్చారు. ప్రజల్లో మంచి పేరు తెచ్చుకునేందుకు డాక్టర్లకు కూడా ఇది సదవకాశం అని అన్నారు. గ్రామ స్థాయిలోనే ఎక్కువ సమస్యలు పరిష్కరించేలా చర్యలు తీసుకుంటామని చెప్పారు. ఇప్పటి వరకు వైద్య, ఆరోగ్య శాఖలో 42,000 పోస్టులను భర్తీ చేశామని.. ఇంకో 4 వేల మందిని నియమిస్తామని చెప్పారు. ఈ విధానాన్ని వచ్చే సంక్రాంతి నాటికి పూర్తిగా అందుబాటులోకి తీసుకొస్తామని ప్రకటించారు. సెప్టెంబర్ మొదటి వారం నుంచి పైలెట్ ప్రాజెక్టుగా ప్రారంభించేందుకు సన్నాహాలు చేస్తున్నట్లు వెల్లడించారు.
