జియో బుక్ మరో సరికొత్త ల్యాప్టాప్ …….అదిరే ఫీచర్లతో హాట్సాఫ్ !
క్యాపిటల్ వాయిస్, సాంకేతిక సమాచారం :- రోజురోజుకు సమాచార సాంకేతిక విప్లవం దినదినాభివృద్ధి చెందుతోంది. ప్రతిరోజూ గంటగంటకు కంపెనీలు మార్కెట్లో తమ ఉత్పత్తులను సరికొత్తగా పరిచయం చేస్తూ ఆకట్టుకుంటున్నాయి.
ఈ కోవలో ప్రముఖ దిగ్గజ సంస్థ రిలయన్స్ జియో వారి జియో బుక్ ల్యాప్టాప్ ను అతి త్వరలో తీసుకురానుంది. ధరలు కూడా మార్కెట్ తో పోల్చుకుంటే వినియోగదారులకు అందుబాటులో ఉండేలా ఉంటాయని ఆ సంస్థ వెల్లడించింది. ఇప్పటికే దీనికి సంబందించిన ఒక చిన్న టీజర్ ను సైతం అమెజాన్ సైట్ లో ఉంచింది. దీని ప్రకారం జూలై 31 నుంచి మార్కెట్ లోకి రిలీజ్ చేస్తుందని వివరించింది.ప్రస్తుతం ఈ ప్రోడక్ట్ ను అమెజాన్ విక్రయిస్తోందని ఆ సంస్థ తెలిపింది.
గత ఏడాది అక్టోబర్‌లో కంపెనీ కొత్త జియో బుక్ ల్యాప్టాప్ ప్రకటించిన మాదిరిగానే డిజైన్‌ను కలిగి ఉంటుందని అమెజాన్ టీజర్ చూపిస్తుంది. కాంపాక్ట్ ఫారమ్ ఫ్యాక్టర్‌తో బ్లూ కలర్‌లో వస్తుంది. ఈ ల్యాప్టాప్ అన్ని వయస్సుల వారికి వినోదంతో పాటు గేమింగ్ వంటి వినియోగం కోసం రూపొందించినట్టు టీజర్ పేర్కొంది. 4జి కనెక్టివిటీతో పాటు ఆక్టా-కోర్ ప్రాసెసర్‌కు సపోర్టు కలిగి ఉంది. హై-డెఫినిషన్ వీడియోల స్ట్రీమింగ్,అప్లికేషన్‌ల మధ్య మల్టీ టాస్కింగ్, వివిధ సాఫ్ట్‌ వేర్ మరిన్నింటిని నిర్వహించగలదని కంపెనీ తెలిపింది. లేటెస్ట్ జియో ల్యాప్టాప్ 990 గ్రాముల
బరువుతో చాలా తేలికైన డిజైన్‌ను కలిగి ఉందని టీజర్ పేర్కొంది. అమెజాన్ ప్రకారం వినియోగదారులకు ఫుల్-డే బ్యాటరీని అందించగలదు. ప్రస్తుతానికి కొత్త జియోబుక్ ల్యాప్టాప్ ఇతర ఫీచర్లకు సంబంధించి వివరాలు తెలియవు.
జూలై 31న లాంచ్ రోజున మిగతా ఫీచర్లు వెల్లడి అయ్యే అవకాశం ఉంది..
2022 జియో బుక్ ల్యాప్టాప్ అనేది పరిమిత బడ్జెట్‌, బ్రౌజింగ్, విద్య,ఇతర విషయాల వంటి ప్రాథమిక ప్రయోజనాలకు వినియోగించుకోవచ్చని ఆ సంస్థ తెలిపింది. ల్యాప్టాప్ కావాలనుకునే వారిని లక్ష్యంగా చేసుకుంది.
అక్టోబర్‌లో అందుబాటులోకి వచ్చిన జియో బుక్ 11.6 – అంగుళాల హెచ్ డి డిస్‌ప్లేను కలిగి ఉంది. వీడియో కాల్‌ బ్రాడ్ బెజెల్స్, ఫ్రంట్ సైడ్ 2 ఎం.పి కెమెరాను కలిగి ఉంది. క్వాల్ కాం స్నాప్ డ్రాగన్ 665 ఎస్ ఓ సి ద్వారా ఆధారితమైనది. అడేర్నో610 జిపియు సపోర్టు అందిస్తుంది.
ఇందులో 2 జిబి ర్యాం మాత్రమే ఉంది. మల్టీ టాస్కింగ్ దీనిపై సాఫీగా ఉండదు.128 జిబి వరకు విస్తరించేలా 32 జిబి స్టోరేజీతో అందిస్తుంది. జియో ల్యాప్టాప్ జియో ఓఎస్ లో రన్ అవుతుంది. సున్నితమైన పర్ఫార్మెన్స్ కోసం
ఆప్టిమైజ్ అయిందని కంపెనీ పేర్కొంది. జియో ల్యాప్టాప్ (జియో స్టోర్) కూడా ఉంది. ఈ ల్యాప్‌టాప్‌లో ఏదైనా థర్డ్ పార్టీ యాప్‌ని కూడా ఇన్స్టాల్ చేసేందుకు యూజర్లను అనుమతిస్తుంది. హుడ్ కింద 5,000 ఎంఏహెచ్ బ్యాటరీ
ఉంది. రిలయన్స్ జియో ఒక్కసారి ఛార్జ్‌పై 8 గంటల బ్యాటరీ లైఫ్ అందించగలదని పేర్కొంది. హీటింగ్ వంటి ఇన్‌యాక్టివ్ కూలింగ్ సపోర్టు కూడా అందిస్తుంది.కనెక్టివిటీ ఆప్షన్లలో 3.5 ఎం ఎం ఆడియో జాక్, బ్లూటూత్ 5.0, హెచ్డిఎంఐ మినీ, వై ఫై వంటి మరిన్ని ఫీచర్లు ఉన్నాయి. ఆసక్తికరంగా, ఈ డివైజ్ ఎంబెడెడ్ జియో సిమ్ కార్డు తో వస్తుంది. జియో 4 జి ఎల్ టి ఈ కనెక్టివిటీని అనుమతిస్తుంది.
