బొదలవీడు గ్రామం లో దారుణం…….మైనర్ బాలిక పై దాడి !
క్యాపిటల్ వాయిస్ (పల్నాడు జిల్లా) వెల్దుర్తి :- వెల్దుర్తి మండలం బొదలవీడు గ్రామం లో దారుణం చోటు చేసుకుంది.పాతకక్షల నేపథ్యంలో ఉపసర్పంచ్ దారుణానికి తెగబడ్డాడు పల్నాడు జిల్లా మాచర్ల నియోజకవర్గం వెల్దుర్తి మండలం బోదలవీడు గ్రామంలో వైసిపి ఉపసర్పంచ్ నంబూరి కృష్ణమూర్తి మైనర్ బాలికపై దాడి చేసాడు.బాలిక ఒంటిగా ఉన్న సమయంలో పలువురితో కలిసి తొలుత బాలికను దారుణంగా హింసించారు. అనంతరం జుట్టుపట్టుకుని రోడ్డుమీదకు ఈడ్చుకొని వచ్చి బాలిక ను కర్రతో బలంగా కొట్టి, గుండెలపై తన్నడంతో అపస్మారక స్థితిలోకి వెళ్లింది. విషయం తెలుసుకున్న బాలిక తల్లిదండ్రులు బాలికను వెంటనే ఆసుపత్రికి తరలించి చికిత్స అందిస్తున్నారు.ఈ ఘటన పై పోలీసులకు పిర్యాదు చేయడంతో దర్యాప్తు చేస్తున్నారు.పాతకక్షల నేపథ్యం లో బొదల వీడు గ్రామ ఉప సర్పంచ్ నంబూరి కృష్ణ మూర్తి బాలికపై దాడి చేయడంతో అతని పై కఠిన చర్యలు తీసుకోవాలని బాలిక కుటుంబం కోరుతుంది.ప్రస్తుతం మాచర్ల ప్రభుత్వ ఆసుపత్రిలో ఆ బాలికకు చికిత్స కొనసాగుతోంది.
