బిగ్‌బాస్ షో ను బ్యాన్ చేస్తారా ..? అశ్లీలత పై ఏపీ హైకోర్టు ఘాటు వ్యాఖ్యలు !
క్యాపిటల్ వాయిస్, తెలంగాణ :- బిగ్ బాస్ షోను బ్యాన్ చేయాలని దాఖలైన పిటిషన్ పై హైకోర్టు విచారణ చేపట్టింది. బిగ్ బాస్ షో లో అశ్లీలత పై ఏపీ హైర్టు ఘాటుగా స్పందించింది. 1970లో ఎలాంటి సినిమాలు వచ్చాయో తెలుసు కదా అని వ్యాఖ్యానించింది.బిగ్ బాస్ షో ను బ్యాన్ చేయాలని దాఖలైన పిటిషన్ పై హైకోర్టు విచారణ చేపట్టింది. ఐబీఎఫ్ గైడ్స్ లైన్స్ ను షో నిర్వాహకులు పాటించడం లేదని పిటిషనర్ తరపు న్యాయవాది వాదించారు. అశ్లీలత ఎక్కువగా ఉందని కోర్టుకు తెలియజేశారు. వెంటనే షో ను ఆపాల్సిందిగా ఆదేశించాలని అభ్యర్థించారు. అశ్లీలత ఎక్కువగా ఉండటంతో కుటుంబ సభ్యులతో కలిసి చూడలేకపోతున్నామని చెప్పారు. దీనిపై స్పందించిన న్యాయమూర్తి 1970ల్లో ఎలాంటి సినిమాలు వచ్చాయో తెలుసు కదా అని వ్యాఖ్యానించారు. ప్రతివాదులకు నోటీసులపై.. వచ్చే విచారణలో నిర్ణయిస్తామన్న న్యాయస్థానం.. తదుపరి విచారణను అక్టోబర్ 11 కు వాయిదా వేసింది.కాగా.. బిగ్ బాస్ రియాలిటీ షో వివాదాలకు కేరాఫ్ గా మారింది. ఈ రియాల్టీ షో పై పలువురు తీవ్ర విమర్శలు చేస్తున్న సంగతి తెలిసిందే. ఈ షో అసభ్యంగా ఉంటోందని మండిపడుతున్నారు. బిగ్ బాస్ బూతుల స్వర్గమని విమర్శలు ఎక్కుపెడుతున్నారు. అది రియాలిటీ షో కాదు బూతు షో అని అంటున్నారు. బిగ్ బాస్ షో ద్వారా సభ్య సమాజానికి ఏం మెసేజ్ ఇద్దామని అనుకుంటున్నారు అని నిలదీస్తున్నారు.ఈ క్రమంలో ఈ షోను బ్యాన్ చేయాలని కోరుతూ ఏపీ హైకోర్టులో పిటిషన్ దాఖలైంది. కోర్టులో విచారణ సందర్భంగా… ఈ షోలో అశ్లీలత ఎక్కువగా ఉందని పిటిషనర్ తరపు న్యాయవాది శివప్రసాద్ రెడ్డి తన వాదనలను వినిపించారు. ఇండియన్ బ్రాడ్ కాస్టింగ్ ఫౌండేషన్ గైడ్ లైన్స్ ను టీవీ షోలు పాటించడం లేదని చెప్పారు. ఈ నేపథ్యంలో బిగ్ బాస్ లో అశ్లీలతపై హైకోర్టు ఘాటుగా స్పందించింది. 1970ల్లో ఎలాంటి సినిమాలు వచ్చాయో తెలుసు కదా? అని ప్రశ్నించింది. అయితే, దీనిపై స్పందించేందుకు కేంద్రం తరపు న్యాయవాది సమయం కోరారు. ప్రతివాదులకు నోటీసు ఇచ్చే విషయాన్ని తదుపరి వాయిదాలో నిర్ణయిస్తామని హైకోర్టు తెలిపింది. తదుపరి విచారణను అక్టోబర్ 11కు వాయిదా వేసింది.
